Info Çetta

1-Kur shumë të burgosur slloven,boshnjak,kroat etj të cilët po shkonin në vikendin e fund dy javëshit që u takonte më ligj më kanë thënë se këtë fotografi e kanë parë të zmadhuar dhe futur në kornizë në vitrinën e foto Janez-it në Lubjanë,unë kam menduar se dikush po tenton të provokon dhe tallet më mua. Kështu kam menduar dhe besuar deri kur Shefki Shatri dhe Fadil Blakaj të cilët nga burgu po vijonin studimet siç u kishte mundësuar ligji,erdhën e më than : Po Xun,është e vërtet se Foto Janezi, foton tuaj e kishte zmadhuar,futur në kornizë dhe e kishte qitë në vitrinë. Për gati një javë rresht isha i mendimit se dikush po provokon dhe tallet më mua,por nga këtu tani u binda dhe besova këtë realitet për mua mjaft befasues por edhe si i ri që isha u ndjeva mirë. 2-Pas daljes time nga burgu dhe aktiviteteve të mia në Kosovën e përplasjeve të mëdha 1990-91,unë u detyrova të emigroj. Kur kam ardhur në Zvicër Prill 1991 kam takuar shumë shokë e veprimtar e njëri nder ta ishte edhe ish shoku i burgut Asim Badalli nga Zhuri të cilin duke u kthyer nga Zvicra e kishin arrestuar dhe dënuar bashkë më babën e tij Istrefin për shkak se i kishin zënë me veturën e tyre të mbushur për plot armatim,e për më rënd për ta dhe fatin e tyre u kishin zbuluar vendin e depozituar të salduar nen dyshemenë e veturës. (Akuza me aktgjykim origjinal në arkivin tim). Tani takimi im me Asim Badallin në Zvicër 1991 ishte sa kënaqësi po aq befasi e radhës e cila po ashtu ishte edhe një nder për mua kur Asimi më tha: Xun ,ja këtë foton tuaj,sapo kam dal nga burgu kam ardhur këtu në Zvicër dhe e kam bashkangjitur tek fotografi bashkë me një foton time për ta mbajt për kujtim sikur kemi dal bashkë. Ti Xun e din se sa merak me ka pas mbet qe nuk patëm një foto siç i kishe me ata shokët tjerë të burgut. Mora këtë foto të cilës fotografi, shumë mirë i kishte bashkangjitur edhe foton e Asim Badallit dhe bërë sikur kemi dal bashkë. Unë për vete edhe këtu u ndjeva mirë dhe vetëm kështu forcohej vullneti ynë i ndërsjellë për të vazhduar tutje