Po e barti këtu nga fakti se nuk po mund ta gjëj
linkun nga ku e kam nxjerrë këtë artikull para sa orësh kur isha i zënë. Nga tri
profle në FB sa më dalin të Jakupit, këtë artikull të cilin doja ta komentoj
tani nuk po mund ta gjëjë.
Për një vullnetarizëm të ri
Jakup Krasniqi
Për më shumë se gjashtë dekada, përfaqësues të popullit shqiptar të trojeve të
pushtuara nga Serbia/Jugosllavia, kanë luftuar kundër pushtuesit kryesisht për
çlirim e bashkim kombëtar mbi bazën e vullnetarizmit, vetorganizimit,
vetërrezikimit deri në vetëflijim. Sigurisht që këtu nuk kemi të bëjmë vetëm me
një brez, por kemi të bëjmë me disa breza atdhetaresh që kryeideal të tyre e
kishin lirinë, drejtësinë, barazinë dhe bashkimin kombëtar. Këtyre njerëzve
idealistë në kohë të ndryshme iu prinë: Hasan Prishtina, Azem e Shotë Galica,
Emin Duraku e Zenel Hajdini, Ganimete Terbeshi, Shaban Polluzha, Rifat Berisha,
Ramiz Cernica, Fazli Greicefci, Adem Demaçi, Metush Krasniqi, Jusuf Gërvalla,
Kadri Zeka, Rexhep Mala e Nuhi Berisha, Afrim Zhitia, Fahri Fazliu e brezat e
tërë të klandestines atdhetare. Ky atdhetarizëm vetorganizues dhe vetëflijues
do të kulmojë me Adem Jasharin – Komandantin Legjendar të UÇK-së dhe i gjithë
brezi i dëshmoreve të kombit të luftës çlirimtare që nuk kursyen asgjë për
lirinë e dinjitetin tonë, për pavarësinë dhe demokracinë që po e gëzojmë sot. U
ndala vetëm në disa nga majat e vullnetarizmit atdhetar pasi vargu i këtyre
vullnetarëve sypatrembur e vizionarë është i pafund. Kryeideal i këtyre
luftëtarëve, burrave dhe grave ishte i përqendruar në tri shtylla: 1. – Atdheu
i lirë, 2. drejtësia sociale dhe 3. barazia shoqërore. Këto ideale ishin
përcaktuesi më i mirë i bazës se tyre filozofike, ideologjike dhe vizionare të
atyre luftëtarëve të mëdhenj të kombit që na bëjnë edhe sot të përkulemi me
pietet në nderim të jetës e të veprës se tyre atdhetare.
Për një vullnetarizëm të ri
Sot, atdheu ynë, Republika e Kosovës, nuk e kërkon atë vullnetarizëm që
kërkonte dje sakrificën sublime (vetëflijimin), sot vendi ynë kërkon
vullnetarizmin demokratik të të gjitha moshave dhe gjinive, familjareve të rinj
e të vjetër për të orientuar me votën, besimin dhe vendimin e tyre qeverisjen e
vendit në interes të familjeve tona, të fëmijëve tanë, në interes të qytetarëve
tanë, për një drejtësi e barazi shoqërore. Qeverisja e mirë, e lirë, e drejtë e
demokratike, drejtësia shoqërore ishte aspiratë e brezave atdhetar, duhet të
jetë qellim imediat i yni. Sot e gjithë kjo varet kryesisht nga ne, varet nga
besimi dhe vendimi ynë për të bërë ndryshimin e duhur. Ne, me të drejtë nga
brezi i sakrificës dhe i pavarësisë kemi pritur një qeverisje tjetër, pasi kanë
sakrifikuar shumë nga jeta e tyre për Kosovën e lirë, të pavarur e demokratike
dhe nuk besonim që kaq shpejtë do ta ndërronin pllakën për ta sakrifikuar
Kosovën për interesat e tyre meskine.
Por tani, përgjegjësia dhe mundësia për ndryshime është në mendjen, në duart
dhe vendimin e gjeneratës së lirisë e të pavarësisë së Kosovës dhe kjo
gjeneratë nuk duhet të hezitoj për ti bërë ndryshimet e duhura për vete dhe brezat
e ardhshëm. Një ndryshim përmbajtjesor nisi me zgjedhjet lokale të 3 nëntorit
dhe u thellua në balotazhin e 1 dhjetorit 2013. Ndryshimi duhet të thellohet në
zgjedhjet nacionale të vitit 2014, por pa e ricikluar atë që e kemi provuar
gjatë gjithë këtyre viteve. Kosova gjatë shekullit të robërisë ka pasur një
numër të madh të njerëzve që me një vullnetarizëm të madh kanë luftuar dhe nuk
kanë kursyer asgjë për lirinë e Kosovës. Falë atij vullnetarizmi, vendosmërie e
gatishmërie për t'i dhënë gjithçka nga jeta e tyre atdheut dhe popullit është
çliruar Kosova. Tani gjenerata e re e Republikës së Kosovës, intelektualë e
ekspertë të ndryshëm duhet të mobilizohet pa u hezituar për të hapur hulli të
reja për shtetin e së drejtës, për zhvillimin ekonomik të vendit, për progresin
dhe shtetin e drejtësisë sociale.
Populli i Kosovës, burra e gra, djem e vajza, rini shkollore e studentore,
kuadro dhe ekspertë të ndryshëm duhet të binden njëherë e mirë, se fati i tyre
nuk mund të zgjidhet nëse ata angazhohen për një vend të punës që ua “dhuron”
dikush, nëse ata joshën me premtime e mashtrime, nëse ata shesin votën me
ndonjë premtim mashtrues, nga mashtruesit e politikës sonë sot. Nga qytetari
ynë, nga rinia e njerëzit e mrekullueshëm të Kosovës, nga ekspertë e kuadro të
ndryshëm, kërkohet një vullnetarizëm për të bërë ndryshime rrënjësore në
qeverisjen e Kosovës e cila duhet të krijojë perspektiven për të gjithë.
Republika e Kosovës, populli i Kosovës ka nevojë të ngutshme për një
vullnetarizmi të ri, një vullnetarizmi për të ndryshuar qeverisjen, një
vullnetarizëm për të vendosur sundimin e shtetit të së drejtës në Kosovë, një
shtet e një qeveri që pasurinë kombëtare e shfrytëzon për mirëqenien e
qytetarëve të Kosovës. Kosova tash ka nevojë për një vullnetarizëm të ri për
një organizim të ri politik, një organizim progresist që u mungon dhe e
kërkojnë qytetarët e Kosovës. Shqiptarët kanë energji pozitive për t’i bërë
ndryshimet që i duhen vendit, por energjitë duhet bashkuar në një formacion të
ri politik. Republika e Kosovës dhe qytetarët e saj kanë nevojë për
vullnetarizmin e njerëzve që dinë e duan t’ju ndihmojnë ndryshimeve pozitive
për shtetin e se drejtës, për zhvillimin dhe përparimin. Këto ndryshime kanë
nevojë për drejtësinë e dashurinë e njerëzve të dijshëm. Ndryshimet në
Republikën e Kosovës janë në pritje të energjive pozitive të të gjithë brezave,
presin vullnetarizmin e njerëzve që dinë, donë dhe i kërkojnë me ngulm
ndryshimet që i duhen vendit edhe nëse duhet sakrifikuar shumëçka nga jeta e
tyre
KOMENTET IM 22.2.2014:
Përshëndetje i nderuar Jakup
Unë edhe pse në shpejtësi nga rruga nuk gjeta diçka që nuk pelqej në këtë lloj ftesën tuaj për organizim të ri politik, organizim ky më të cilin pa dyshim do vjen ndryshimi real…Edhe po të mos reagoja pozitivisht në këtë shkrim,mendoj se nuk do mbetesha i mangët, jo, ngase ne i dim tepër mirë qendrimet e gjithë neve, veq e veq e kryesisht të atyre të cilët kurr nuk hezituan të jenë transparent dhe kritik në lëshimet apo devijimet nga rruga e idealeve tona.
Tani më shumë u lajmërova për të vetmin qellim:
Ndryshimi i parë nga gjitha të perjetuarat e prapaskenave të deritashme politike, do ishte sikur nisma e re të mos jetë vetem si një konkurs publik dhe më pas në pritje se kush po aplikon… Jo Jakup, kjo është forma e vjetër e cila më ka munduar tërë jetën. Konkurs publik dhe më pas të pritet në antarësimin e qytetarëve, kjo është krejt në rregull për qytetarët masiv, kuadri moral,politik e veprimtar të dëshmuar, pa tjetër duhët të ftohën i nderuar Jakup, ftohen fare qetë e pa ngarkesa ata, pa dallim si pritet oferta e nismës suaj. Pas ftesës, jo pak, duhet pritur edhe kushtëzimet e kuadrit në fjalë. Pse e thëmë këtë:
Për arsye se e kaluara e hidhur në politikën tonë kaq vite pas lufte ka dëshmuar se kur ka ardhur koha e ndryshimeve që nuk mund të ndalen më, ne kemi perjetuar daljen më subjekt të ri ku varësisht nga mundësitë financiare dhe rrethit që rrethon liderin, ai pastaj nuk ka dal si produkt i kthesave demokratike e aq më pak lider idealeve tona !!! Kështu pastaj amortizohet nevoja e subjektit të ri dhe liderit të quajturave ndryshime dhe më pas kështu vazhdon të inkorporohet dhe menaxhoj prapaskena e vjeter politike.
Kur i fton vlerat ideale dhe emra të cilat nisma e re veq i ka verifikuar, atëhere njeriu nuk heziton të përgjigjet në ftesë, pa dallim epilogut të marrëveshjes programore dhe principeve për ndryshime. Nese vlerat, më emra të përzgjidhur nuk ftohën pak më ndryshe nga një konkurs masiv, bindu mik i nderuar se ato vlera do hezitojn të aderrojn në organizimin e ri, po, kjo e keqe dhe më pasoja mund të vjen ngase nga përvoja e hidhur apriori po i bënë ata sherbëtor të liderit të cilit i kanë shkuar pa i ftuar personalish ata, pra aty në ato parti më pas mbetën vetëm për ta mer rrogën e pranimit në punë ca për të bërë karrierë politike të modelit servil e asgjë më shumë, kuptohet, rrogë pas marrjes së pushtetit, gjithësesi sukses i ndryshimeve, e sqarova këtë ngase fillimi në gjitha variantat është vullnatar dhe pa rrogë.
Nga krejt çfarë thash edhe kështu i pa pergaditur për një koment , ju lutem dëshmoni ndryshime që në nismë për ti perjetuar ato të plota dhe reale më vonë. Në këtë pikë, tani është hera e parë ku publikisht e thëm : Pa u ftuar personalisht të paktën disa nga emra kontribues të këtyre ndryshimeve, kurr nuk do perjetohet rreshtimi i tyre në cilindo subjekt politik. E rënd kjo sa të duash, ngase në qellime të mira njerzit e tillë nuk kanë nëvojë të ftohen, ata do duhej të i kesh aty , por ja se është perjetuar më e keqja në kurriz të tyre, po më e keqja deri më sot. Kjo ka bërë që sot, më parë ti shkohet ofertës më një marrveshje në subjekt të vjeter se sa subjektit të ri pa asnjë ftesë të kësajë natyre respekti,sigurisht praktikë e hidhur tash sa vite kjo.
Miqësisht krejt i pa pergaditur në pergjigje por jo të hesht, ju përshëndet dhe uron shendet Xuni
Ja edhe ca komente nga një linku tjeter më këto tema:
